Incendie en plaine orientale : 30 hectares détruits
(A redazzioni d'Alta Frequenza) - Hè partutu un focu novu nant'à a cumuna di Linguizzetta in bor'di strada, vicinu à un campu di tiru. Una superficia di 30 ettari di vegetazioni hè stata distrutta da i fiari. Trè Canadair ani agitu da u celu, mentri chì mezi umani numarosi sò stati mubilizati, cù aiuti ghjunti da l'Ardèche. U sinistru ùn hè ancu fissatu. Da un'antra banda, in Sant'Andria di Boziu, i superfici distrutti sò stati rivisti più alti pà ciò chì cuncerna u focu accesu in dui parti : 10 è 15 ettari.
