Incendie en Haute-Corse
(A redazzioni d'Alta Frequenza) - Hè partutu un focu ssu ghjovi à meziornu in Corsica Suprana, nant'à a cumuna d'Ulmeta di Tuda, nant'à a strada dipartimintali 82 versu a bocca di San Stefanu. Un ettari è mezu di machja hè statu distruttu da i fiari. Hè statu ammaistratu appena nanzi à 3 ori grazia à l'intarvinzioni di guasgi cinquanta suldati di u focu è di dui Tracker. Da un'antra banda, dui spinghjifochi sò stati tocchi dopu avè rispiratu assai fumu, mentri chì un antru s'hè smessu una spalla dopu essa cascatu ; sò stati purtati tutti à l'uspidali di Bastia.
Sur le même sujet
