Incendie en Haute-Corse
(A redazzioni d'Alta Frequenza) - Un focu hè partutu appena nanzi à 3 ori ssu sabbatu dopu meziornu ind'u settori di Santu Petru di Tenda, in u Nebbiu (Corsica Suprana). Ùn si tratta micca di una ripresa di u sinistru chì hè accadutu in principiu di sittimana pà ssi lochi dighjà, ma bè di un antru, hà cunfirmatu u Serviziu Dipartimintali di Focu è di Succorsu di Corsica Suprana. Quindeci ettari di machja sò stati distrutti da i fiari. Dui Tracker, dui Canadair chì ghjunghjini da a Corsica Suttana è mezi umani numarosi sò mubilizati.
