Incendie en Balagne
(A redazzioni d'Alta Frequenza) - Hè partutu un focu ssu vennari in principiu di matinata in Santa Riparata di Balagna. I fiari, purtati da un ventu forti, ani distruttu quindeci ettari di vegetazioni. Dui Tracker, trè Candair, dui elicotteri chì lampani acqua è più d'ottanta spignifochi sò mubilizati pà ammaistrà ssu sinistru, chì s'avvicina da i casi. U focu hè statu ammaistratu versu meziornu. L'abitanti di u paisolu d'Ucciglioni sò privi d'elettricità par via di a distruzzioni di una ligna à tinsioni alta.
Sur le même sujet
