Incendie dans une maison individuelle à Bastia
(A redazzioni d'Alta Frequenza) - Un focu s'hè dichjaratu versu 4 ori di mani (marti), ind'una casa individuali di a cullata di i Filippini in Bastia. Sei parsoni sò stati intussicati o brusgiati cà pocu, mentri chì una s'hè appena ferita dopu avè saltatu di u 1u pianu di a casa. Tutti issi parsoni sò in usservazioni inde l'uspidali di Bastia Falcunaghja. Duvarani essa riallughjati. I spinghjifochi di Corsica Suprana sò intarvinuti assai à lestra, è ani ammaistratu u sinistru ind'una meza ora à l'ingrossu. L'inchiestadori s'intaressani oramai à i causi di issu focu, è frà altru à a pussibilità di un attu criminali, di pettu frà altru à i scrizzioni "A Droga Fora" rilevati sopralocu. Malgradu tuttu, nisun ipotesi hè schisata par avà.
Sur le même sujet
