Incendie dans le parking d'un hypermarché à Ajaccio
(A redazzioni d'Alta Frequenza) - Hè partutu un focu ssu ghjovi dopu meziornu in u parking sutterraniu di l'insegna Carrefour in u quartieru di a Rocade in Aiacciu. Mezi impurtanti di succorsu sò stati mubilizati è parsoni numarosi sò stati ubligati à parta da u magazenu ma dinò da u parking. Sicondu i primi elementi racolti, u focu saria partutu nant'à una vittura. Una parsona, si trattaria di un agenti di securità, hè stata tocca da u fumu è presa in carica da i spinghjifochi è u SAMU.
