Incendie à Biguglia : le point ce mardi matin
(A redazzioni d'Alta Frequenza) - A situazioni ferma cumplicata stamani in Biguglia. In fatti, mentri chì dipoi arimani dopu meziornu, 1 500 ettari sò stati distrutti da un focu difficiuli ad ammaistrà di pettu à u ventu, ci sò punti chì fermani attivi frà altru nant’à l’altezzi. Parechji centunai di spinghjifochi sò sempri mubilizati cù l’appoghju torna di mezi aerei dipoi u principiu di a matinata. Sicondu l’ultimi punti, s’è casi ani cunnisciutu disguasti, ùn ci ni saria manc’una distrutta, una ricunniscenza aerea hè privista pà fà un bilanciu più pricisu. Malgradu u carattaru eccezziunali di ssu focu, à mezu à i più viulenti di ssi vint’ultimi anni, nimu hè statu feritu. Da rimarcà chì a strada tarrituriali 10 hè torna aparta.
Steti à senta à Gérard Gavory, u prifettu di Corsica Suprana.
Sur le même sujet
