Incendie : 32 hectares parcourus entre Zilia et Muro
(A redazzioni d'Alta Frequenza) - Trentadui ettari di machja sò stati distrutti da i fiari ssu marcuri in Balagna. U focu hè partutu à ondeci ori menu cinqui da a cumuna di Zilia, prima di passà à contraventi annant'à quilla di Muru. Mezi umani è aerei assai impurtanti sò mubilizati pà ssu focu : Tracker, Canadair, elicotteru chì lampa acqua, Dash è guasgi 124 spignifochi, furestieri è omi di a securità civili. Da un'antra banda, i salvadori ani dumandatu aiuti in più, cù a ghjunta in Corsica di un gruppu d'intarvinzioni purtatu pà elicotteru. Par avà, u focu ùn hè ancu fissatu pà daveru ma u so trattamentu avanza bè. Da un'antra banda, dui altri fochi sò partuti in Corsica Suprana. U primu hà distruttu 2500 m2 in Siscu, u sicondu torna 2500 m2 in Aregnu.
Sur le même sujet
