Inauguration du cabinet médical à la marine de Porto
Ghjovi, hè statu inauguratu u scagnu midicali di a marina di Portu.
U soli merri di u circondu issendu à a ritirata, c’era quantunca u pinseri pà l’accessu à a midicatura, pà issi loca ind’iddi sò menu di 500 l’abitanti finitu l’istati.
Gramazia à a mubilisazioni di parichji attori, si hè pussuta truvà una suluzioni cuncreta.
A mirria d’Ota hà missu à dispusizioni un scagnu midicali sicundariu di a marina di Portu.
Iss’iniziativa hè stata sustinuta à liveddu finanziariu da l’ARS è da a Cullittività di Corsica, ciò chì hà pirmissu di cumprà a mubiglia è u matiriali nicissarii à u funziunamentu di issu scagnu.
Da ch’idda ci sichi una cuntinuvità in a midicatura, un duttori di a casa di saluta pluridisciplinaria di Carghjesi ci hà da intarvena ugni ghjovi.
Sò ancu studiati i suluzioni da piddà in contu a crescita di a pupulazioni l’istati.
Par piddà appuntamentu, si pò chjamà à u 07 81 82 40 49. Par casu ch’idd’ùn risponda u medicu, basta à lacà un missaghju.
