Impresa : la création d'entreprise au cœur
Ghjovi, hè vultatu à u Palazzu lli Cungressi d’Aiacciu u salonu IMPRESA, quiddu di i criatori è capi d’impresa.
Più di trenta spunenti erani prisenti.
Issa ghjurnata avia par ughjittivu d’infurmà è accumpagnà à quiddi chì s’impegnani à avvià prughjetti.
Valérie Porri, a dirittrici aghjunta à a dirizzioni ecunomica è di a impresa lla CCI lla Corsica, ci ni parla.
À issu salonu, era prisenti u bancu di l’avucati d’Aiacciu, chì vuliani cusì insignà ch’iddi poni ghjuvà in a criazioni d’impresa è l’accumpagnamentu di l’attori.
L’avucati, d’altrondi, ùn sò solu quì pà l’affari penali, i cunflitti o i difficultà : sò i soci indispinsevuli lli capi d’impresa.
Steti à senta à Raphaëlle Deconstanza, a capi avucata llu bancu d’Aiacciu.