Important risque orageux en Corse
(A redazzioni d'Alta Frequenza) - A Prifittura di Corsica ammenta un risicu di timpurali impurtanti in Corsica. Météo France annunzia chì u tempu sarà propiu gattivu ssu marcuri u 17 è ssu ghjovi u 18 di lugliu di u 2013. S'aspetta un timpurali viulenti in muntagna pà ssu dopu meziornu è quillu di dumani. Inghjinnarà un'attività elettrica forti cù forsa acquati viulenti, a grandina certi volti, è buffulati di ventu putenti. Di pettu à ssi cundizioni meteurulogichi, a prudenza a più grandi hè racumandata à tutti, è in particulari pà a pratica di l'attività ind'a natura, com'è i spassighjati o ancu u canyonig pà ssi dui ghjorni, chì hè meghju di ùn fà micca. Da nutà chì i pumpieri di Corsica Suprana ani arrighjistratu più di 1540 impatti di saetta nant'à u dipartimentu, è trè picculi principii di focu. Missi in securità sò stati rializati u longu di i fiumi di Corsica Suprana.
Sur le même sujet
