Implantation d'un second IRM à Bastia : les choses avancent
(A redazzioni d'Alta Frequenza) - U diputatu di a prima circuscrizzioni di Corsica Suprana, Sauveur Gandolfi-Scheit, hà ricivutu oghji (ghjovi) à Jean-Jacques Coiplet è dui altri direttori di l'Agenza Righjunali di a Saluta, da trattà di l'ingaghjamentu scrittu di u ministru di a Saluta, rilativu à a stallazioni di un sicondu IRM privatu in Bastia, dicisu u 12 d'aprili scorsu. Dopu à issa riunioni, i dirighjenti di l'ARS ani annunziatu a numinazioni da quì à pocu di dui sperti di qualificazioni alta, chì ani da essa incaricati d'asaminà prima l'utilisazioni attuali di u 1u IRM publicu ammintatu ind'a lettara di u ministru Xavier Bertrand. Issi prufissori spicializati farani sapè i so cunclusioni à l'ARS nanzi à a fini di u mesi di ghjunghju.
Sur le même sujet
