ICHN : encore et toujours
(A redazzioni d'Alta Frequenza) - Manifistazioni è strada bluccata ssu luni da mani à u nivellu di u ghjiratoghju di Campu di l'Oru, in faccia à l'Uffiziu di sviluppu agriculu di a Corsica. À a chjama di a FDSEA è di i JA, l'agricultori vuliani fà sapè a so scuntintezza putenti di pettu à a lintezza amministrativa. L'ICHN 2015, 15 millioni à sparta pà tutta l'agricultura isulana quantunqua, ùn hè ancu stata virsata. L'indennità cumpensatoria di handicap naturali, pagata à 55% da l'Auropa è à 45% da u Statu, ùn hè ancu stata distribuita. È ùn hè micca un affari di soldi, com'è no a pudariami creda, parchì i mezi sò dispunibuli, ma l'ODARC, chì paga in a materia, ùn hà ancu i ducumenti amministrativi parmittendu di rializà ssi pagamenti quì.
Steti à senta à François Sargentini, u presidenti di l'Uffiziu di sviluppu agriculu di a Corsica.
