I Chjassi Muntagnoli: au service du territoire et de la population
(A redazzioni d'Alta Frequenza) - Natu in u 1986 in San Ghjuvanni di Moriani, l'associu I Chjassi Muntagnoli si movi à prò di l'inserzioni prufiziunali di i parsoni senza impiegu o chì toccani u RSA, uffrenduli parechji impieghi è furmazioni inde sfarenti duminii d'attività. A struttura s'urganizeghja inghjiru à dui settori d'attività : Strada faccendu didicatu à l'intrattenu di i chjassi di a Costa Verde è aldilà, ma dinò Strada sicura chì parmetti di rializà pannelli in legnu, parmittendu d'indittà nomi di lochi certi volti scurdati è di guidà tutti quilli chì pighjani ssi chjassi quì. Un associu chì ferma dinò à l'ascoltu è à u sirviziu di l'abitanti.
Steti à senta à Thomas Barre, chì faci parti di l'associu I Chjassi Muntagnoli.
Sur le même sujet
