Hôpital de Bonifacio: la tension monte
(A redazzioni d'Alta Frequenza) - Tinsioni viva ind'u cunflittu chì ci hè dipoi parechji settimani à l'uspidali di Bunifaziu. S'è a CGT hà dicisu di sorta da l'intersindicali, u STC hà sceltu pà contu soiu di firmà mubilizatu è di passà à l'azzioni ssu marti. In fatti, membri di u sindicatu naziunalistu occupani dipoi stamani (marti) i lucali di l'Agenza Righjunali di Saluta in Aiacciu pà dumandà più cà mai a partenza di u direttori di l'uspidali di Bunifaziu, accusatu di prissioni murali contr'à un parsunali, chì quissu quì hà dicisu di scartà à prò di a so moglia. L'Agenza Righjunali di a Saluta, chì hà prupostu solu par avà a missa in ballu di una cumissioni di spertizia ministiriali à partasi di ghjovi duranti una settimana, ùn hà dunqua micca dittu di sì à a dumanda di u STC di suspenda u direttori di l'uspidali. U sindicatu ùn muvarà micca da l'ARS tantu ch'ellu ùn avarà micca avutu ciò ch'ellu voli, è chjama à una mubilisazioni larga dumani in Aiacciu.
Steti à senta à Alanu Mosconi, pà u STC.
Sur le même sujet
