Hôpital de Bastia : l'état de santé des deux grévistes de la faim se détériore
(A redazzioni d'Alta Frequenza) - Dipoi diciassetti ghjorni, c'hè una greva di a fami iniziata da l'impiegati CGT di l'uspidali di Bastia, cù dui chì sò in azzioni dipoi u principiu di u muvimentu pà dinuncià i prublemi finanziari di l'uspidali è i so cunsiquenzi nant'à u so funziunamentu. Oghji, a saluta di ssi dui donni grevisti di a fami inchieta assai u medicu di u travaghju di l'uspidali, chì in un mail mandatu à u direttori di u stabilimentu dici pinsà "ch'è no ghjunghjimu à un puntu induva a so saluta hè in periculu". Di fatti, ssu marcuri, una di i dui grevisti di a fami hè stata presa in carica da u SAMU, è perfusata, senza essa malgradu tuttu uspitalizata. Ssu ghjovi, un'azzioni sarà urganizata à partasi da 9 ori da a CGT, chì hà da parta da l'uspidali di Bastia fin'è u purtò di a prifittura di Corsica Suprana pà sustena i grevisti di a fami è alertà nant'à a situazioni di l'uspidali.
