Hôpital d'Ajaccio : du concret !
(A redazzioni d'Alta Frequenza) - A prima petra di u novu uspidali d'Aiacciu pudaria essa posta da quì à u primu simestru di u 2014. L'infurmazioni ùn hè micca lampata à l'azardu, è ùn saria più una simplici prumessa. In fatti, l'affari si cuncretizeghjani à u nivellu di ssu cartulari impurtanti pà tuttu u rughjoni aiaccinu è aldilà. Simon Renucci, u merri d'Aiacciu, chì s'intaressa da u sempri à ssa prublematica di a saluta, parla di u so scontru cù a ministra di a Saluta Marisol Touraine, è di u passaghju di u cartulari davanti u Cumitatu di Parfurmenza è di Mudernisazioni. "Un bon prughjettu" sicondu i sperti, chì sbocca nant'à un cuncorsu Cuncizzioni - Rialisazioni. Sei gruppi si sò fatti cunnoscia, è a scelta di i candidati pà u cuncorsu si farà oghji (marti). A scelta difinitiva si farà nanzi à a fin di l'annu 2013.
Calendrier et philosophie du projet avec Simon Renucci, maire d’Ajaccio
