Homicide en Haute-Corse
(A redazzioni d'Alta Frequenza) - Un omu d'una quarantina d'anni hè statu tombu da balli ssu vennari à sera in Corsica Suprana, nant'à a cumuna di Cagnanu, versu 11 ori. Sicondu i primi elementi racolti, a vittima saria stata tocca in cori da una balla, dopu chì una parsona armata sighi intruta in casa soia è tiressi. In arrestu di u cori quand'elli sò ghjunti i succorsi sopralocu, ùn hà pussutu essa salvatu. Ùn si ni sà micca di più par avà ; a gendarmeria hè in carica di l'inchiesta.
Sur le même sujet
