Homicide de Venaco : début de l'enquête
(A redazzioni d'Alta Frequenza) - I primi investigazioni ani principiatu arisera (dumenica) dopu à un novu assassiniu accadutu in Venacu. Jérôme Salvadori hè statu tombu da un o parechji tiradori, mentri ch’ellu era à pedi inde issu paesi di Corsica Suprana, vicinu à a so casa. I succorsi, ghjunti sopralocu assai in furia, ùn sò micca riisciuti à salvà a vittima. Vicinu à a scena di u crimini, l’inchiestadori ani ritrovu un scooter è una vittura in focu. Pruvarani à sapè oramai s’è issi dui veiculi ani ghjuvatu à u o i malfattori. Ùn ci hè par avà nulla chì parmetti di cunfirmà iss’affari quì. Ministeru publicu è gendarmi pruvavani, arisera, di racoglia i primi indizii, ma torna una volta l’inchiesta s’annunzia longa è difficiuli. Infini, hè a pulizza ghjudiziaria chì hè stata incaricata di l’inchiesta.
