Haute-Corse : préfectures, communes et communautés de communes font le bilan de la DETR 2021
A Dutazioni d’Echippamentu lli Tarritoria Rurali, a DETR, hè di quiddi ch’iddi bramani u più cumuni è cumunità di cumuni, da finanzà i so prughjetta.
In Cismonti, u statu hà finanzatu pà u 2021 188 di i 421 prughjetta pruposti. L’affari hè custatu 10,1 miliona d’auri.
Cinqui d’issi prughjetta ani avutu più di 100 000€ d’aiuti : a rimissa in istatu lla sala Cardiccia in i Prunelli di u Fium’Orbu, a mudernisazioni llu lumu publicu in Calvi, quidda lla bibliutecca di Furiani, a custruzzioni d’un gruppu scularu in Santa Maria di Lota, è quidda d’una nova mirria è di i lucali lla cumunità di i cumuni in a Ghisunaccia.
I prughjetta pruposti issendu duppiati, a prifitttura llu Cismonti n’hà strintu i criteri di silizzioni. Ùn sò chè quiddi chì ni sò aghjà à a cunsultazioni lli impresi à pudè essa ricivuti.
Pà un altr’annu, hà da crescia a dutazioni, è sarà missa in risaltu a qualità ambiintali lli prughjetta.
Steti à senta à françois ravier, u prifettu llu Cismonti.
I merra è prisidenti lli cumunità di cumuni a sani chì, oramai, pesa a stampa carbonica in i marcata publichi.
Ma ancu puri ch’iddi poschini custà di più, issi custretti permettini, par certi travadda, di dà u favori à i circuiti curti è à i impresi isulani.
Steti à senta à Antoine Orsini, u prisidenti lla cumunità di i cumuni llu centru di Corsica.
Sur le même sujet
