Haute-Corse : nouvelle vigilance jaune pour vents violents
Beddu prisenti pà issu nuvembri, u Libecciu hà da tirà forti marti : sarà dunqua missa in vighjulanza giadda a Corsica, sinu à ottu ori di sera, parvia di u vintulionu.
À senta ni à Meteò france, in a siconda parti lla notti trà luni è marti, u ventu à Punenti hà da piddà forza, è si hà da mantena cusì par tutta a ghjurnata di marti. S’aspettani buffulati à 170 o 180 chilomitra à l’ora in Capicorsu, à 150 in Balagna, à 110 o 120 in u centru è in i circondi bastiacci, à 120 o 140 in cor’di Fium’orbu è in a Incudina, è à falera sinu à Sulinzara è Portivechju.
Marti in sirintina, u ventu s’appacia sinu à duvintà calmu, in a siconda parti lla notti.
Sur le même sujet
