Haute-Corse : les premiers mots et les premières orientations du nouveau préfet, Michel Prosic
Marcuri, Michel Prosic, u novu prifettu llu Cismonti, hè andatu à u riscontru di a stampa. Prifettu di u Lot dipoi dui anni, hè statu parichji volti dirittori righjunali di l’affari culturali, ma ùn hà mai travaddatu in amministrazioni cintrali.
Oramai in Cismonti – è quissa a vulia, à senta lu – hà a intinzioni d’essa attenti bè à a transizioni eculogica, circhendu à valurizà i prughjetta in issu duminiu.
Michel Prosic voli essa un riprisintenti d’unu statu stratega, in capacità d’anticipà, è chì si voli sociu di l’eletti è puteri dicisiunali lucali. I duvaria scuntrà, d’altrondi, in i ghjorna à vena.
Parlendu di a siccaghjina, hà dittu chì a situazioni era menu pessima chè à l’entra di u mesi, ma ch’iddi sariani mantinuti quantunca i ristrizzioni.
Par ciò chì tocca à a sicurità, hà dittu ch’iddi sariani urganizati da quì à pocu mossi amministrativi pà luttà contru à i vaccini andacciani.
Di i malavii maffiosi, inveci, ùn n’hà parlatu tantu.
Steti à senta à Michel Prosic, u novu prifettu llu Cismonti.
Sur le même sujet
