Haute-Corse : le point sur les incendies
(A ridazzioni d'Alta Frequenza) - A prifittura llu Cismonti hà fattu un bilanciu pà i foca chì currini dipoi issa duminicata. Par quiddu di Calinzana, pari chì a situazioni sichi stabbilizata. Ancu s’iddu curri sempri issu focu, chì hà picciatu 1290 ettari, pari ch’idd’ùn ci ni sichi più minacci, pà i parsoni o i bè. Dui Tracker è dui Canadair voddini da sta mani par pruvà di spinghja i foca à nantu à i cristi. Sò aiutati da 150 spinghjifoca, di Corsica è di francia. Par Ghisoni, u focu hè cunfinatu à nantu à 13 ettari. In Siscu, 60 ettari sò picciati, è sò quaranta l’omini à nantu à u tarrenu – trà i quali rinforzi di u SDIS 13 – chì circani à parà a prugrissioni lli fiari, aiutati colpu à colpu da i Tracker. Ramenta a prifittura ch’idd’hè difesa di fà foca sinu à marti à deci ori, è faci sapè d’altrondi chì sta mani, ci hè vulsutu à trattà dui dibbieri mal’tinuti.
Sur le même sujet
