Haute-Corse : En état d'ébriété sur une trottinette électrique, un jeune homme voit son engin immobilisé par les gendarmes et repart à pied
Via una cumunicazioni di soiu, a ciandarmaria llu Cismonti faci sapè chì u 19 di sittembri, u cunduttori d’un scooter-truttinetta elettricu di 22 anni hè statu cuntrullatu, briacu, versu a gara di Corti.
A brigata muturizata di Moltifau hà fattu firmà u ghjuvanottu, chì viaghjaia senza l’elmu, senza u brivettu di cundutta è senza ch’iddu sichi imatriculatu u so dui roti. U ghjuvanottu si n’hè dunqua cunturratu à pedi.
Dicini i ciandarmi ch’iss’attrazzi, di catiguria L1e, è chì poni francà i 25 chilomitra à l’ora, devini viaghjà à nantu à a strada, micca à nantu à i tighjati.
U cunduttori devi avè più di 14 anni, avè u brivettu lla sicurità stradali o un permessu di catiguria AM, purtà un elmu com’è quiddu lli motò, avè dichjaratu u so attrazzu in prifittura, avè placca, carta grisgia è essa assicuratu.
Sur le même sujet
