Handicap : une maison destinée à accueillir les associations à Ajaccio
(A redazzioni d'Alta Frequenza) - Una casa pà pudè accoglia l'associ in carica di u handicap : eccu ciò ch'ellu hà inauguratu u Cunsighju Dipartimintali di Corsica Suttana ssu marcuri in Aiacciu. Lingua di i segni, Diabetichi di Corsica, UNAFAM o Espoir Autisme Corse frà altru t'avarani dunqua un locu d'accolta cumunu induva i benefiziari è i famighji pudarani essa ricivuti è avè infurmazioni è cunsigli. Espoir Autisme Corse, par asempiu, ùn avia micca casali in Aiacciu, ciò chì sarà u casu oramai. Pà ciò chì tocca i zitelli è l'adulescenti cù prublemi autistichi, a cunsighjera dipartimintali s'hè filicitata di u partinariatu novu chì a so stituzioni hà pussutu inizià à fiancu à l'associ, trà u retturatu è l'ARS di Corsica. Renda a vita di i parsoni in situazioni di handicap più faciuli, hè unu di i scopi maiò di a criazioni di ssa missioni di l'associ.
Steti à senta à Isabelle Feliciaggi, cunsighjera dipartimintali in carica di i pulitichi liati à u handicap.
