Handicap et accessibilité : les Etats Régionaux de l'Inclusion ce jeudi à Corte
(A redazzioni d'Alta Frequenza) - Hè à partasi di novi ori è mezu dumani (ghjovi) ch'elli sarani urganizati in Corti i Stati Righjunali di l'Inclusioni. Urganizata da l'Università di Corsica è da l'Associu di i Paralizati di Francia, ssa ghjurnata chì hà da prupona parechji dibattiti è cunfarenzi sarà l'uccasioni di fà un bilanciu di l'avanzata di a sucità inclusiva in Corsica grazia à trè tematichi maiò : l'accessu à l'educazioni, l'accessu à l'alloghju è l'accessu à u sport, à l'asgi è à a cultura. Associ numarosi, istituziunali, usadori di servizi medicali è suciali eppo tanti altri sarani prisenti pà mandà un missaghju frà altru à i rispunsevuli pulitichi cù u scopu di fà crescia l'affari infini è d'ùn perda più tempu. Un prublema di l'accessibilità sempri assai forti in Francia, ma dinò in Corsica, è chì cuncerna tutti i formi di handicap, ch'ellu sighi mutori, visuali, auditivu o psichicu par asempiu.
Steti à senta à Marie Leonis, dilegata pà a Corsica Suttana di l'Associu di i Paralizati di Francia.
