Handball : le GFCA en Nationale 1
(A ridazzioni d'Alta Frequenza) - L’ani pur’fatta ! Dopu essa fiascati dui volti à a siconda piazza, u GFC codda infini in Naziunali 1, dopu à a so vittoria contru à Antiba, 39-28. Aiutati da 800 sustinidori in un ginnasiu Pascal Rossini strapienu, l’omini di u prisidenti Ripoll ani luttatu à veru, contru à issa squadra ch’era ghjunta chivi par muscià ch’idd’ùn era siconda ghjustu par furtuna. Dopu à un primu tempu beddu strintu, cù un scartu di dui punti pà u più, l’aiaccini ani affucatu à veru i so avvirsarii in a siconda parti llu scontru. Purtati da l’ambienti scemu di a « pignata llu Rossini », l’aiaccini ani dunqua vintu, è si ni coddani in a divisioni suprana, dopu à una staghjoni ammaistrata bè.
