Guy Orsoni hospitalisé à Grasse
(A redazzioni d'Alta Frequenza) - Guy Orsoni chì hà principiatu u so 37u ghjornu di greva di a fami, è chì rivindicheghja a so nucenza inde dui cartulari struiti da a JIRS hè statu uspitalizatu inde l'uspidali di Grasse. Hè u so avucatu, ghjuntu pà veda lu ind'a prighjò duva ellu era sottu à i marchjoni, chì hè statu missu à capu di issi fatti. Sicondu Paul Sollacaro, Guy Orsoni era dighjà assai debbuli marti, pà a so visita di prima, ma saria prontu più cà mai à ricusà di magnà è di fà si curà. Si ni sapparà forsa di più dumani, pà ciò chì tocca à i dicisioni chì sò in leia cù iss'uspitalisazioni. Hè pà dinunzià issu statu quì è dumandà una presa di cuscenza di pettu à i ghjuridizzioni d'eccezzioni chì un cullettivu hà rializatu un'azzioni simbolica stamani (ghjovi) inde l'emiciculu di l'assemblea di Corsica. Mentri chì Nadine Nivaggioni punia a so quistioni nant'à i ghjuridizzioni d'eccezzioni à l'Assemblea di Corsica stamani (ghjovi) è chì u presidenti Giacobbi arricava a so risposta, a famighja è l'amichi d'Alanu Orsoni ani rializatu un'uparazioni di sinsibulisazioni inde l'emiciculu stessu. Hè impurtanti di pricisà chì, duranti iss'azzioni quì, mai u sfilà di l'istituzioni hè statu disturbatu. S'è parechji parsoni t'aviani mascari bianchi è pannelli rammintendu a durata di tutti i grevi di a fami, d'altri, com'è a famighja Orsoni, ùn aviani micca u visu piattu. Era u casu di Stéphane Orsoni, u fratellu d'Alanu è l'emi dumandatu u sensu di iss'azzioni quì.
Écoutez-le
Sur le même sujet
