Guy Calleja, une figure du GFCA, nous a quittés
Hè una parsunalità di u sport, è particularmenti di u ghjocu à ballò aiaccinu, chì si n’hè andata à l’eternu : Guy Calleja si n’hè mortu à 85 anni.
Era tinutu caru è in alta stima da i parti di Mezavia.
Dopu avè purtatu tredici anni i culori di Bordeaux, Guy Calleja hè ghjuntu à u Gazelec, in u 1969. Hà purtatu tandu, è par sei staghjoni, a maglietta di i Diavuli Russi, po’ hà presu a so ritirata spurtiva.
Liatu tantu à a Corsica è à a squadra aiaccina, Guy Calleja hè duvintatu l’addistradori di u Gaz. Incù iddu, a squadra hà fattu parichji provi, in campiunatu è in cuppa di francia, longu à l’anni 1980.
L’aiaccini chì l’ani cunnisciutu si tinarani u ricordu d’un omu calurosu, chì hà marcatu a storia di u GFCA par dui dicennii.
Radio Alta Frequenza prisenta i so dulianzi sinceri à a so famidda, è à tutti i parsoni ch’issu dolu tocca.
Sur le même sujet
