Gruppu Miniconi : STC si mubilizighja in un ambienti suciali tesu
Marcuri, u STC hà fattu una cunfarenza di stampa in Aiacciu, par indittà u clima suciali in i impresi tinuti da Jean-André Miniconi, accolti suttu à l’appillazioni « Groupe Miniconi ».
U sindicatu hà vulsutu apra una sizzioni sindicali didicata à issu gruppu, ma si hè impittatu à un pinseri amministrativu di quiddi : u gruppu Miniconi ùn asisti à pettu à a legi, chì di fatti hè solu un nomu postu senza rialità ghjuridica à nantu à i tanti impresi tinuti da Jean-André Miniconi in u sittori automobilu.
Jean-André Miniconi, à senta ni u sindicatu, avaria sceltu d’ùn avè ni dialugu, è d’attaccà dirittamenti u sindicatu in ghjustizia par avè circatu à fà una sizzioni sindicali pà un gruppu ch’ùn asisti.
Issa dicisioni hà stumacatu u STC, chì oramai t’hà a intinzioni – s’idd’ùn veni u dialugu – di chjamà ni à a dirizzioni righjunali di l’ecunumia, di u impiecu, di u travaddu è di i sulidarità, da dumandà li a criazioni d’un’unità ecunomica è suciali spicifica à i impresi Miniconi, chì t’ani ad oghji da 130 à 150 impiicati.
Steti à senta à Jean-Toussaint Poli, à nomu di u STC.
Sur le même sujet
