Grèves de la faim : la réaction de Jean-Christophe Angelini
(A redazzioni d'Alta Frequenza) - Ritornu stamani dinò nant’à a riunioni chì s’hè tinuta luni à sera à u Palazzu di i cungressi d’Aiacciu è rilativa à a greva di a fami, si duvaria dì à i grevi di a fami chì sò principiati via l’affari Guy Orsoni. Rammintemi chì parechji centunai di parsoni, frà i quali numarosi parsunalità pulitichi, s'erani resi à issa riunioni da fà senta u so disaccordu è u so timori di pettu à a multiplicazioni di i grevi di a fami. Dipoi oramai trè settimani, Guy Orsoni hè in greva di a fami da dumandà l'evuluzioni di u so cartulari ; hè statu raghjuntu ind’a so azzioni, prima da u so babbu, eppo dopu da trè altri parsoni, ciò chì porta oghji à cinqui u numaru di grevisti di a fami. Ghjuvan Cristofanu Angelini era dinò prisenti. S’hè vulsutu sprima nant’à l’indiffarenza di a classa pulitica isulana, attaccata cù forza da Léo Battesti.
Écoutez Jean-Christophe Angelini.
Sur le même sujet
