Grève SNCM: le privé assure
(A redazzioni d'Alta Frequenza) - Hè dumani dunqua (marti), u 24 di ghjunghju à partasi di 6 ori ch'ella principiarà a greva in a SNCM. Una greva nova s'è no ci pudimu parmetta è à mezu à i grandi migrazioni d'istati. Com'è ci ni pudiami dubbità, cresci a collera in Corsica com'è in Marseghja parchì si sà chì ssa greva, ùn diciaremi micca ch'ella hè l'ultima, pudaria ditarminà di manera cunsiquenti l'avvena di a sucità. I sindicati di marinari aspettani una risposta di u guvernu chì pudaria intarvena u 27 di ghjunghju, è ssa suluzioni pudaria purtà annant'à a scelta di un azziunariu novu ma dinò annant'à a cumanda di dui battelli novi à u minimu. In previsioni di i difficultà à vena, l'uffiziu di i trasporti hà studiatu suluzioni pà pudè sminuiscia ss'ultimi. À u nivellu di i passaghjeri, ùn ci duvaria essa nisun cunsiquenza annant'à u trafficu; a Corsica Ferries t'hà in ligna i so cinqui Mega Express è a capacità di i battelli parmittarà di risponda à a dumanda. U prublema pudaria essa sfarenti pà u trasportu di marcanzii, ma Corsica Ferries saria capaci d'assicurà u trafficu.
Steti à senta à Pierre Mattei, u direttori ghjinirali di a Corsica Ferries.
Sur le même sujet
