Grève SNCM : la montée au créneau du député Gandolfi
(A redazzioni d'Alta Frequenza) - Cunflittu à a SNCM è à a CMN : a CGT di i marinari hà dicisu di cuntinuà a greva. I battelli sò dunqua sempri ind'i porti dipoi guasgi una settimana. Di pettu à issa situazioni, parechji riazzioni spuntani. Ci arricurdemi di u colpu di scuntentezza di a CCI di Corsica Suprana calchì ghjornu fà. Tocca oghji (marcuri) à Sauveur Gandolfi-Scheit. Pà iss'ultimu, " a Corsica è a so ecunumia sò torna una volta ingabbiati, soprattuttu pà issu periudu prima à l'istati". È d'aghjustà chì "da u fattu chì l'affari ùn sighini micca cappiati, è in più di què di manera irrispunsevuli, a missa in ballu di un serviziu minimu assicuratu da i trasporti maritimi, inclusu ind'i dilegazioni di serviziu publicu hè più cà mai indispinsevuli". Una rivindicazioni, priciseghja l'elettu, spressa dighjà di marzu di u 2011, cù a firmatura in Biguglia, di un manifestu pà i raprisintanti di u mondu ecunomicu. "Tocca à u duveri di l'eletti di u populu d'ùn più lascià crescia issa logica di suicidiu chì hà arruvinatu più di una volta a nostra isula" compii u diputatu Gandolfi.
Sur le même sujet
