Grève SNCM : l'inquiétude grandit
(A redazzioni d'Alta Frequenza) - Hè dumani dunqua (marti), u 24 di ghjunghju à partasi di 6 ori ch'ella principiarà a greva in a SNCM. Una greva nova s'è no ci pudimu parmetta è à mezu à i grandi migrazioni d'istati. Com'è ci ni pudiami dubbità, cresci a collera in Corsica com'è in Marseghja parchì si sà chì ssa greva, ùn diciaremi micca ch'ella hè l'ultima, pudaria ditarminà di manera cunsiquenti l'avvena di a sucità. I sindicati di marinari aspettani una risposta di u guvernu chì pudaria intarvena u 27 di ghjunghju, è ssa suluzioni pudaria purtà annant'à a scelta di un azziunariu novu ma dinò annant'à a cumanda di dui battelli novi à u minimu. Stamani (luni), davanti i lucali di a SNCM in Aiacciu, u PCF, Ensemble, u Partitu di Manca, a CGT com'è quilla di i marinari, quilla di La Poste è di u Spittaculu eppo a FSU ani vulsutu fà ricullà u so timori. Tutti ss'urganisazioni cù i fundamenti è i presi di pusizioni annant'à ssa quistioni ch'è no cunniscimi, accusani un guvernu chì faci neci d'ùn senta d'appressu à elli.
Steti à senta à Paul Antoine Luciani pà u Fronti di Manca.
