Grève SNCM-CMN : le trafic pourrait reprendre aujourd'hui
(A redazzioni d'Alta Frequenza) - U trafficu marittimu pudaria ripighjà oghji (ghjovi). A riunioni d'arisera trà u ministru di i Trasporti è l'urganisazioni sindicali SNCM è Méridionale saria stata custruttiva. I marinari ani da decida stamani duranti un'assemblea ghjinirali s'elli cuntinueghjani o micca a greva. Arisera dunqua, in Parighji, certi cartulari di rivindicazioni sindicali sò stati trattati, è u guvernu saria statu daveru à l'ascoltu. À u nivellu di l'Assemblea di Corsica è di u so uffiziu di i trasporti, tuttu ognunu t'hà a spiranza di veda una ripresa di l'attività, ed era u scopu di i scambii sfarenti trà direzzioni, ministeru è sindicati, scambii à l'iniziativa di l'OTC. In tutti i casi, hà dittu Paul Marie Bartoli, u presidenti di l'Uffiziu, i penalità par via di u serviziu chì ùn hè micca statu fattu sarani appiecati à i dui cumpagnii. Ci voli à tutti i patti chì a DSP ripighjessi i so diritti, hà dittu ss'ultimu.
Steti à senta à Paul Marie Bartoli.
Sur le même sujet
