Grève dans les services de réanimation : pour une reconnaissance des compétences
Marti, erani mubilizati à liveddu naziunali infirmieri è aiuti midicanti lli sirvizia di rianimazioni, da chera una ricunniscenza di i so cumpitenzi.
Travaddà in un sirviziu di rianimazioni dumanda qualità tecnichi è umani beddi spicifichi.
Par avali, u guvernu ùn hà fattu nudda, da ch’iddi sichini ricunnisciuti issi spicificità.
Eppuri, cù a crisa sanitaria, si sò visti, eppo’ ancu bè, i bisogna è l’attesi.
Ma fatta fini, u cusì dittu « Ségur » di a saluta ùn hà risoltu tanti affari.
Una diligazioni di infirmieri di u spidali d’Aiacciu hè stata ricivuta marti da l’ARS, chì ni devi trasmetta i rivindicazioni in parigi.
Steti à senta à Marjorie Celli, infirmiera in rianimazioni in Aiacciu.
Marie-Paule Sala hè ancu idda infirmiera in rianimazioni, è ci conta u so cutidianu. Idda è a so cullega Marjorie Celli ci parlani di l’isulanità, è di u bisognu d’essa furmati à issi tecnichi ch’ùn sò praticati chè in Centra Uspitalieri Univirsitarii.
Dumandani, i midicanti, ch’issa qualificazioni, vinta à nantu à u tarrenu, sichi ricunnisciuta.
Steti à senta à Marie-Paule Sala è à Marjorie Celli.