Grève ce mardi à la SNCM
(A redazzioni d'Alta Frequenza) - Si cunniscia dighjà l’Excelsior, car ferry talianu pà rimpiazzà u Napoléon Bonaparte, assenti da i ligni di Corsica par via di mezu naufragiu, eccu chì ci veni da u mari Egeu u Venizelos chì devi rimpiazzà l'Ile de Beauté di a SNCM nant'à i ligni di u Maghreb è di a Corsica. I marinari di l'anziana cumpagnia naziunali facini sapè a so collera, è ani ancu dicisu di fà greva oghji, ghjornu duva ci sarà un cunsighju di survighjenza di l'azziunarii. Una greva di 24 ori parchì a SNCM ùn hà micca dicisu di metta issu battellu sottu à a bandera francesi primu rigistru, mittendu di fattu in periculu parechji impiechi di marinari francesi.
Sur le même sujet
