Grève aux Transports Collectifs Ajacciens : le blocage perdure
(A redazzioni d'Alta Frequenza) - Cunfarenza di stampa ssu luni da mani di l'intersindicali FO CFE-CGC di i Trasporti Cullittivi Aiaccini. Dopu à deci ghjorni di greva, a situazioni hè bluccata più cà mai, postu chì ognunu teni i so pusizioni è chì nisun scontru hè statu urganizatu dipoi u principiu di u muvimentu trà a direzzioni è i grevisti. Rammintemi chì i cunduttori, in greva com'è i meccanichi, dinunziani un prublema di paga è u fattu chì una prima spicifica sighi attribuita solu à una certa categuria d'impiegati, è micca à i cunduttori par asempiu. C'hè una piccula spiranza chì ferma, par l'usadori soprattuttu, ci sarà una riunioni dumani matina (marti) à l'iniziativa di a Cumunità d'Agglumerazioni di u Paesi Aiaccinu trà i sfarenti parti.
Steti à senta à Marcel Santini, pà l'intersindicali FO CFE-CGC di i TCA.
