Grève au bloc opératoire de l'hôpital de Bastia
(A redazzioni d'Alta Frequenza) - C'hè a greva dipoi stamani (marti) ind'u bloccu uparatoriu di l'uspidali di Bastia Falcunaghja, à a chjama di a CGT. Un muvimentu chì intarveni dopu à un preavisu di greva postu guasgi trè sittimani fà da u sindicatu. U mutivu : u ritardu di virsamentu di soldi prumissi à a fin di u 2013 pà a mudernisazioni di u stabulimentu da a ministra di a Saluta di tandu, Marisol Touraine, ind'un cartulari chì corri dipoi più di quindeci anni. I travaghji duviani cumincià di ghijnnaghju, ma l'uspidali di Bastia ùn hà micca vistu u culori di un centimu d'auru, è tandu ssi travaghji ùn sò ancu à essa rializati. Di pettu à una crescita di l'attività ind'u bloccu uparatoriu, l'infirmieri spicializati dumandani cù forza a rialisazioni di travaghji u più prestu pussibuli è a mubilisazioni di mezi umani in più. I parsunali insistini più cà mai annant'à l'urghjenza di a situazioni, parchì pà quissi quì, di più cà una mudernisazioni, si tratta guasgi di una missa à i normi di un uspidali vechju.
Steti à senta à Josette Risterucci, dilegata sindicali CGT di i parsunali di l'uspidali.
