Grève à l'hôpital de Castellucciu près d'Ajaccio
(A redazzioni d'Alta Frequenza) - Greva à l'uspidali di Castellucciu, vicinu à Aiacciu. I bughjetti distinati à u centru sò annunziati nant'à a calata pà l'annu 2012. Issa strinta di bughjettu ùn sarà micca senza cunsiquenza, postu ch'ella inghjinnarà forsà da quì à un certu tempu, chì i parsunali andendu à a ritirata ùn sarani micca rimpiazzati.U STC è a CGT cunsidareghjani ancu chì issa strinta hà da purtà fin'è a sarratura di una quindicina di posti pà malati è chì una parti di i pazienti ùn pudarà più essa curata. I sindicati dumandani dunqua chì i fondi in più sighini arricati à l'uspidali di Castellucciu, chì rammintemu la hè a sola struttura psichiatrica di u dipartimentu. Ci hè stata una dumanda in più di parsunali, parmittendu à l'uspidali di cuntinuà i so attività.
Sur le même sujet
