Grève à Corsovia
(A redazzioni d'Alta Frequenza) - A maghjurità di u parsunali uparaiu di a sucità Corsovia, intrapresa spicializata ind'i travaghji publichi è stradali, hè in greva dipoi ssu luni da mani. I causi di u cunflittu cuncernani, d'appressu a CGT, "i cumpurtamenti chì ùn poni micca essa accittati di u numaru unu di l'agenza", chì dipoi cinqui mesi "ùn voli dà nisun risposta pusitiva" à i rivindicazioni di i parsunali. Quissi quì portani annant'à parechji punti : l'impiecu di dui impiecati cantieri pà rimpiazzà una partenza pà invalidità è un'antra à a ritirata, l'evuluzioni di i qualificazioni di certi parsunali, a crescita di a paga ghjiniralizata, è a migliurazioni di i cundizioni di travaghju in materia di pulizia è di securità. Un cumpurtamentu di u numaru unu di l'agenza chì, sempri sicondu u sindicatu, avaria "cunsiquenzi diretti annant'à i rilazioni cù i clienti è i cullettività", traducendu si da perditi di marcati. I parsunali uparai dicini ch'elli dicidarani di i seguiti à dà à ssu cunflittu di pettu à u cumpurtamentu di a direzzioni.
