Graves incidents sur le port de Bastia Toga : le préfet de Haute-Corse annonce un renfort des effectifs de police
(A ridazzioni d'Alta Frequenza) -Ùn hè stata chieta, a duminicata scursa, à nantu à u portu di Toga, in Bastia. In a notti da vennari à sabbatu, hè sparata una prima baruffa, à a isciuta lla discutecca « Le Pulp » : dui pulizzeri in civili sò stati attaccati. In sta baruffa, unu di i pulizzeri hè statu fertu gravamenti. Hè incuscenti è in a cilata à u spidali di Bastia. Hè stata aparta una infurmazioni ghjudiziaria, pà viulenzi vulintarii in riunioni. A notti dopu, sempri à torru à issu stabbilimentu, ci hè statu, versu i 4 ori di mani, un baruffonu cù circa uttanta parsoni. Pulizzeri è spinghjifoca, ghjunti supr’à locu, si sò fatti pittughjà da certi parsoni. A baruffa si hè cuntinuvata sinu à l’urgenzi llu spidali di Bastia. Sò stati ferti è bè dui parsoni, una issendu purtata in rianimazioni. Dui pulizzeri sò stati ferti ancu iddi, ma menu, è una vittura di pulizza hè stata dannighjata. Ancu u matiriali llu spidali hà suffertu d’issa furia scatinata. Sò stati sposti parichji lagnanzi. Hè stata aparta una infurmazioni ghjudiziaria par viulenza in riunioni, participazioni à un’accolta armata, è danni fatti à bè d’utilità publica. U prifettu llu Cismonti, Gérard Gavory, cundanna issi fatti, difendi l’idea lla videosurviglianza, è annunzia una crescita impurtanti di l’effittivi lla pulizza à nantu à portu di Toga, à parta da issa duminicata.
Stemu à senta à Gérard Gavory
Sur le même sujet
