Grande collecte nationale du Secours Catholique ce dimanche
(A redazzioni d'Alta Frequenza) - À l'uccasioni di a ghjurnata naziunali di u Succorsu Cattolicu issa dumenica, una racolta maiò hè urganizata ind'u paesi sanu. Più di 61 000 benevulenti sò mubilizatu quist'annu inghjiru à un slogan : "Aiutemu ci l'uni è l'altri". À u nivellu isulanu, parechji artisti ani raghjuntu a dimarchja, è ani rializatu una mostra cù i so opari duranti tutta a settimana ind'una sala di u Succorsu Cattolicu d'Aiacciu. Una vendita di carità di iss'ughjetti d'arti, cù una parti data à a dilegazioni Corsica. Michel Raimondo, u so dilegatu dipartimintali, spera chì a mubilisazioni di a pupulazioni sarà impurtanti, è chì i doni sarani à parechji pà pruvà à fà piantà a crescita sempri più forti di a puvartà in Corsica, mentri chì festi di Natali s'avvicinani.
Écoutez-le.
Sur le même sujet
