Gites ruraux : instruction bouclée, vingt-quatre mises en examen
(A redazzioni d'Alta Frequenza) - U famosu cartulari dittu di i "gîtes ruraux" ghjunghji à un mumentu impurtanti. In fatti, ssu vennari, u ghjudici di struzzioni in carica di ss'affari hà compiu a so struzzioni sicondu u prucuratori di Bastia chì urganizava una cunfarenza di stampa. Di fattu, vintiquattru parsoni sò stati missi in asamini, da simplici parsoni chì n'avariani benefiziatu à i parsoni supposti à i cumandi di ssu sistema. À mezu à ssi missi in asamini, ritruvemi u presidentidi u cunsighju dipartimintali di l'epica, Paul Giacobbi, eletti com'è Pierre Marie Mancini o Jacques Costa, o l'anzianu direttori generali di i servizi di u CG2B, Thierry Gamba Martini. Cù rimprovari andendu da l'arrubecciu di soldi publichi fin'è a presa micca legali d'intaressi, passendu pà u fattu d'avè piattu un arrubecciu di soldi publichi, i vintiquattru missi in asamini risicani, d'appressu à Nicolas Bessoni, cundanni impurtanti è l'inelighjibilità pà l'eletti. Nicolas Bessone chì hà vulsutu ramintà, da un'antra banda, a presunzioni di nucenza di tutti i missi in asamini. U prucessu duvaria essa urganizatu à a fin di l'annu 2016.
Steti à senta à Nicolas Bessone, u prucuratori di a Republica di Bastia.
Sur le même sujet
