Gilles Simeoni et Jean-Guy Talamoni reçus par Edouard Philippe à Matignon le 22 janvier
(A redazzioni d'Alta Frequenza) - Mentri chì l'eletti di a Corsica ani da scuntrà ssu vennari a ministra Jacqueline Gourault, a nova Madama Corsica di u guvernu, emi amparatu ch'ellu ci sarà un antru scontru, stavolta cù u Prima ministru, Edouard Philippe. In fatti, Gilles Simeoni è Ghjuvan Guidu Talamoni, i presidenti di l'Esecutivu è di l'Assemblea di Corsica, sarani ricivuti in Matignon u 22 di ghjinnaghju. Si sà chì dipoi a so alizzioni, à u principiu di u mesi di dicembri, l'eletti naziunalisti ùn so micca cuntenti di i pusizioni di u guvernu. Gilles Simeoni hà ramintatu frà altru chì in Francia, "hè u presidenti di a Republica chì dicidi di a strada à pighjà ed hè quillu chì cunnosci u meghju u cartulari corsu". Emmanuel Macron andarà ghjustu appuntu in Corsica u 6 di farraghju pà a cumemurazioni di i 20 anni di l'assassiniu di u prifettu Claude Erignac.
