Ghjuventù Indipendentista: nouveau rassemblement ce soir devant le commissariat de Bastia
(A redazzioni d'Alta Frequenza) - Dopu à l'arristazioni di iss'ultimi ghjorni ind'a Ghjuventù Indipendentista cù frà altru trè parsoni trasferiti issu marti in Parighji par essa prisintati à un ghjudici antiterruristu, u sindicatu riagisci ind'un cumunicatu. A GI dumanda u ritornu di i so militanti, è a liberazioni di tutti l'intarpillati, o tandu "i visiti à vena in Corsica sarani cumprumessi", sappendu chì u ministru di l'Internu Manuel Valls sarà in Corsica luni è marti chì veni. "Semi pronti ad assuma u raportu di forza cù u Statu", cuntinueghja a Ghjuventù Indipendentista, chì chjama à una nova adunita stasera davanti à u cumissariatu di Bastia, à 7 ori, sustinuta da U Rinnovu Naziunali, Corsica Libera è Sulidarità. Arristazioni rializati rammintemu la pà un'inchiesta nant'à l'attentatu accadutu d'aprili di u 2012 contr'à a sottu prifittura di Corti.
Sur le même sujet
