Ghjustizia per Maxime : plusieurs milliers de personnes ont manifesté dans le calme à Bastia
(A redazzioni d'Alta Frequenza) - Dignità, calmu è ditarminazioni. Eccu i trè parolli chì poni qualificà a manifistazioni di ssu sabbatu dopu meziornu in Bastia in sustegnu à Maxime Beux, sustenidori bastiacciu feritu in Reims sabbatu scorsu, à i setti sustenidori bastiacci chì sarani ghjudicati à a fin di marzu in Reims, ma dinò à Rémi di Caro, ghjovanu studienti di vint'anni cundannatu à cinqui mesi di prighjoni è incarciaratu dipoi ghjovi dopu a manifistazioni di marti à sera in Corti. È mentri ch'elli erani numarosi à tema incidenti, sò millai di parsoni à essa falati in carrughju in Bastia senza nisun prublema; parsoni chì ani falatu u viali Paoli à u son'di Ghjustizia per Maxime è Libertà pè di Caro prima di lasciassi davanti a casa cumuna. Tuttu què cù un dispusitivu assai impurtanti ma discretu di survighjenza, ci sò ancu stati droni rimarcati pà u celu bastiacciu. Ind'è Bastia 1905, chì urganizava a manifistazioni, s'ella c'hè un'amarezza di pettu à l'assenza di l'eletti isulani maiò di ssa manifistazioni, c'hè soprattuttu a cuntintezza d'avè vistu a brama di calmu di Maxime Beux rispittata è a ditarminazioni di pettu à i lotti chì venini.
Steti à senta à Jean Etienne Venturi.
Sur le même sujet
