Ghjurnati di Corti : la confiance d'Emmanuelle De Gentili
(A redazzioni d'Alta Frequenza) - Ci era assai mondu arimani (dumenica) in Corti, è parechji ghjurnalisti, pà assista à ciò chì firmarà senza dubbitu com'è l'avenimentu puliticu di l'istati di u 2012. In fatti, tutti i currenti pulitichi, diritta, manca, naziunalisti, s'erani ritrovi sottu à i tindoni di i Ghjurnati di Corti, pà rifletta insemi à l'avvena di a Corsica. Di un simplici puntu di vista tennicu, ùn si hè amparatu nulla di novu. Tuttu ciò chì hè statu trattatu arimani custituiscia, in fatti, a basa di tutti i dibattiti di l'Assemblea di Corsica, ma pocu imprema. Pari un'evidenza chì oghji, a Corsica pighjessi a strada di un statutu novu. Issu statutu inghjinnarà, forsa, un'autunumia assai più larga cà quilla d'oghji ; pighjarà in contu un latu impurtanti nant'à a co ufficialità di a lingua, nant'à un statutu di residenti è nant'à a riurganisazioni di u tarritoriu. Ciò chì statu novu daveru, sò i punti di cunverghjenza assai numarosi chì sò spuntati trà tutti i currenti pulitichi, iè currenti pulitichi è micca partiti pulitichi. Petru Ghionga è Emmanuelle de Gentili erani i dui membri di l'Esecutivu di Corsica ad avè rispostu à l'invitu di Corsica Libera. Di pettu à i so rispunsabilità, ùn erani micca quì di modu individuali dunqua. A cunsighjera esecutiva incaricata di i quistioni aurupei, ci hà dittu tutta a cunfidenza ch'ella t'hà in issa dimarchja quì.
On écoute Emmanuelle de Gentili.
