Ghjurnate Internaziunali di Corti: Pierre Chaubon sera présent
(A redazzioni d'Alta Frequenza) - A situazioni pulitica internaziunali di i populi in lotta è quilla di a Corsica sarani torna una volta à u centru di i tradiziunali Ghjurnate Internaziunali di Corti, chì sò urganizati ssa dumenicata. U dibattitu maiò di ssa manifestazioni à u nivellu isulanu sarà a dumenica dopu meziornu : quillu nant'à a riforma istituziunali à l'assembla di Corsica, cù un raportu chì sarà prisintatu è duvarà essa vutatu da l'eletti à a fin di u mesi di sittembri. Corsica Libera, chì urganizeghja a manifestazioni, hà dicisu quist'annu d'invità i cunsighjeri esecutivi incaricati di i cartulari impurtantissimi di l'assemblea, frà i quali Maria Giudicelli, nant'à u latu di u Padduc è di u statutu di residenti, è Pierre Chaubon, pà ciò chì tocca a famosa dumanda di riforma istituziunali. Di pettu à u Statu chì pari essa sempri cioncu nant'à i dumandi di l'eletti corsi, u scopu sarà torna una volta di crià un accunsentu largu, mittendu da cantu i sfarenzi diversi. Hè a brama di Corsica Libera, ma dinò quilla di Pierre Chaubon, ghjustifichendu di colpu a so riposta pusitiva à l'invitu di u muvimentu naziunalistu.
Ecoutez-le.
