Ghjurnate Internaziunali di Corti : le président de l'Exécutif à la tribune
(A redazzioni d'Alta Frequenza) - I Ghjurnati Internaziunali di Corti 2016, i primi dipoi a ghjunta à i rispunsabilità di i naziunalisti à l'Assemblea di Corsica di dicembri scorsu, si sò tinuti dunqua ssa dumenicata. Urganizati da Corsica Libera pà lochi propiu simbolichi, quilli di a citadella di Corti, ssi ghjurnati ani vistu torna dilegazioni internaziunali numarosi participà à ssa messa pulitica di prima trinca. Riprissioni sindicali è pulitica, ma dinò prughjettu d'Auropa di i populi erani in u prugramma. Ma u tempu forti di ssi Ghjurnati, com'è sempri, era custituitu da u dibattitu nant'à a situazioni di a Corsica, intitulatu "Guvernu corsu : custruimu a Nazione", cù à a tribuna una parti impurtantissima di l'Esecutivu di Corsica è u presidenti di l'Assemblea di Corsica. U presidenti di l'Esecutivu di Corsica, Gilles Simeoni, hà rispostu dunqua di manera pusitiva à l'invitu di Corsica Libera pà ssi Ghjurnati Internaziunali. Femu a Corsica è Corsica Libera aduniti à a tribuna : dui partiti liati à u puteri novu, ma chì volini firmà dinò strutturi di tarrenu indipindenti, vicini à i so militanti è à tutti i Corsi. Da un'antra banda, Gilles Simeoni hà vulsutu incalcà nant'à u cambiamentu di metudu inde l'eserciziu di u puteri intarvinutu duranti ss'ottu primi mesi di mandatura
Eccu l'intervista di u presidenti di l'Esecutivu di Corsica.
